Teresa Chamorro estará a asinar exemplares do seu novo libro “El aleteo de la polilla” o venres 23 de outubro, ás 18.30 horas, na libraría (planta 5ª) de El Corte Inglés de Vigo.

Sobre “El aleteo de la polilla”

Todos creron coñecer a verdade sobre o asasinato que conmocionou o instituto. A imaxe dunha vítima silenciada incluso despois de morrer quedou gravada para sempre na memoria de quen viviu aquel horror.

Para Minerva, aquel crime foi o punto de non retorno. Tras unha adolescencia marcada polo medo, o acoso e unha nai que converteu o control nunha forma de destrución, pensou que deixara o pasado atrás.

Pero, anos despois, unha nova cadea de mortes sacude a cidade e os segredos enterrados comezan a aflorar. O que Minerva intentou esquecer regresa cunha forza devastadora.

Pronto descobre que quen destruíron a súa vida nunca desapareceron; simplemente aprenderon a agocharse tras vidas respectables e mentiras tecidas con coidado durante anos. Porque a verdade sempre atopa o modo de regresar e, cando finalmente xorde, a pregunta xa non é quen é o monstro… senón quen axudou a crealo.

Sobre Teresa Chamorro

Naceu en Panxón (Nigrán), onde o mar e as lendas forman parte do paisaxe cotiá. Enfermeira de profesión e lectora apaixonada, comezou a escribir durante o confinamento de 2020, atopando na literatura unha forma de explorar a complexidade humana.

A súa narrativa combina suspense, misterio e unha ollada crítica sobre a sociedade, con Galicia como escenario recorrente de memoria, conflito e verdade. É autora de El día que fui juzgada e El nudo de Tuim, novelas onde o crime se entrelaza con realidades sociais contemporáneas.