Un ano máis, Cáritas Coruña pon en marcha a súa campaña de material escolar para que nenas e nenos de familias en situación de exclusión poidan ter a oportunidade de desenvolver a súa educación en igualdade de condicións co resto.

Ata o 25 de setembro, El Corte Inglés colabora con esta iniciativa solidaria. A clientela poderá facer achegas económicas nos departamentos de Volta ao Cole (libraría, papelería e uniformes) do centro da Coruña.

Con estas achegas económicas Cáritas adquirirá material escolar segundo as súas necesidades. El Corte Inglés realizará unha achega adicional equivalente ao 10% da recadación obtida.

A túa axuda dará apoio a familias da cidade con fillos en idade escolar que non contan con axuda pública para este fin.

A solidariedade demostrada desde que Cáritas Coruña lanzou esta iniciativa en 2017 fixo posible dotar ás familias de artigos imprescindibles para o curso escolar. Cáritas pretendeu con esta axuda completar a dotación de libros de texto e material escolar básico do Fondo Solidario, con calzado, roupa deportiva, mandilóns, estoxos, mochilas e material escolar complementario.

Pola igualdade de oportunidades. Por unha escola inclusiva.