Ámbito Cultural de El Corte Inglés Santiago acolle, do 2 de xullo ao 1 de agosto, a exposición ORDUME: Latexos de area, sangue e xogo, unha proposta do colectivo Caras Amigas que reúne tres olladas artísticas arredor dun discurso común, resistente e profundamente humano.

ORDUME —o fío que sostén o tecido— convértese aquí nunha metáfora de encontro entre memoria, identidade e esperanza. A través dun percorrido sensorial, a mostra convida a transitar por tres dimensións complementarias que conectan co colectivo e co emocional.

A exposición comeza na area, onde o Sáhara se presenta como memoria viva a través de obras que evocan historias e rostros que reclaman ser lembrados. Continúa na sangue, simbolizada pola intensidade do vermello, cunha serie marcada pola transformación emocional e pola experiencia da dor como proceso de cambio. Finalmente, o itinerario chega ao xogo e á liña, un espazo onde o debuxo se libera e se abre á xeometría, á experimentación e á creación compartida.

Participan nesta exposición as artistas Isabel Méndez (IsMeNa), Maribel Castiñeira (XMÑ) e Isabel Soutullo, quen conforman Caras Amigas. Tres traxectorias que conflúen nunha proposta común, comprometida e profundamente conectada coa realidade social e emocional que dá sentido a ORDUME.

Unha invitación a deterse, sentir e conectar co que fomos, co que somos e co que estamos a construír.

Convidámoste a descubrir esta proposta e conectar coas súas emocións e miradas compartidas.