A Asociación Española Contra o Cancro – Xunta Provincial da Coruña organiza a XIII edición da 'andaina solidaria A Coruña en Marcha contra o cancro'..

Un evento solidario para recadar fondos para unirnos polos miles de pacientes, polas familias, pola investigación e por un futuro cheo de esperanza...

E ti, por quen te moves? Non perdas este evento solidario!

DÍA: 24 de maio

SAÍDA: ás 10.00 h na Porta Real avenida da Mariña, en dirección á Autoridade Portuaria, avanzando polo entorno do Parrote e bordeando a zona portuaria. A ruta continúa polo vial que rodea o porto deportivo e a zona do Hospital Abente e Lago, enlazando co Paseo Marítimo Alcalde Francisco Vázquez.

De eseguido, o trazado seguirá pola fachada marítima en dirección á zona do Matadero e a Hípica, punto no que se realizará o retorno.

Dende aí, comezará o regreso polo mesmo percorrido, novamente polo Paseo Marítimo, a zona portuaria e o Parrote, ata alcanzar a meta en Porta Real.

INSCRICIÓNS

A inscrición presencial poderá realizarse, no Departamento de Deportes de El Corte Inglés de A Coruña, do 16 de abril ata o 21 de maio.

CUOTA INSCRICIÓN

Carreiras Menores (ata 12 anos) 5€

Carreira Adultos 10€

Ven celebrar un día coa túa familia, amigos, veciños ou mesmo coa túa mascota para apoiar a loita contra o cancro.

Ademais da andaina solidaria, teremos diversas actividades deportivas para todas as idades, obradoiros para os máis pequenos, sorteos de premios e máis sorpresas!

Máis información: Bases

Os fondos recadados nesta iniciativa irán destinados á investigación oncolóxica e a ofrecer os programas e servizos gratuítos da Asociación española Contra o Cancro en A Coruña.