Abenduaren 9tik aurrera, asteartearekin, 16:00etan, Raul Olorizen "Tijereteando" erakusketa izango da Iruñeko Kultur Arloko aretoan. Collage-bilduma horrek teknika originala, sortzailea, koloretsua, neketsua, pazientea eta oso pertsonala du.

Collagea artisau-lana da erabat; izan ere, irudi, argazki eta testu ugari birziklatu, behatu, aprobetxatu eta horiei erreparatzean datza, zertarako-eta emaitza koherente, deigarri eta kolorez eta eduki bisualez betea sortzeko. Gainera, edonoren eskura dago, baldin eta guraizeak, kola, irudiak, gogoa eta beste errealitate batzuk irudikatzeko ilusioa baditu.

Artistari buruz

Oloriz Iruñeko Tacto Sutil Kollage talde collagistako kidea da. Taldea teknika horretako hamar bat artistak osatzen dute. Iruñeko hainbat lokaletan egin ditu erakusketak, baita Tafallako Kultur Etxean, Castejongo Museoan, Irurtzungo Pikuxarren eta Erroko Aldoko espazioan ere, eta haur zein helduentzako collagearen hastapen-tailerrak ematen ditu.

Erakusketa astelehenetik larunbatera bisitatu ahal izango da, 9:30etik 21:00etara, baldin eta kultur jarduerarik ez badago.