Carmen Puerta Extremera idazlea Kultur Arloko aretora itzuliko da irailaren 22an, asteartea, 19:00etan, xede izanik bere lehenbiziko eleberria aurkeztea: ”Cartas desde la otra orilla". Eleberri txundigarria horren hiru hariek ez zaituztete askatuko: misterioa, ezinezko maitasuna eta adieraezina.

“Bada denbora zeharkatzen duen gutunik. Bai halaber sendiak belaunaldi luzez ezkutaturiko sekreturik”.

Sinopsia:
Angel Andaluziako herri galdu batera joaten denean ia ezagutu ez zuen aitona lurperatzera, hiru egun baino ez direla izango uste du.

Baina hildakoaren etxean, hutsik egon beharko lukeen tiradera batean, emakume izen bat — Angela — eta mende erdian zehar ezkutuan idatzitako eskutitz eskukada bat agertzen dira.

Nor izan zen Angela? Zergatik idatzi zion aitonak bizitza osoan, bidali gabe? Eta zergatik, ibai ondoko etxe zahar hartan, sentitzen du Angelek ez dagoela inoiz erabat bakarrik? Zenbat eta gehiago hurbildu egiara, orduan eta beldur handiagoa dio aurkituko duenari.

Egileari buruz:

Cazorlan jaioa da, eta Nafarroatik idazten du, erroak bertan egin zituen-eta. Beste ezer baino lehen poeta da, eta zazpi poemario idatzia da —besteak beste, Tres colmenas solamente, Piel de luz y versos, La otra orilla eta El vuelo de la libélula—, non memoria, paisaia eta emakumeen ahotsak gardentasun intimo batez datozen.

Kultur ekintzailea da, hainbat kultur eta literatur elkartetako kidea, eta, gaur egun, Nafarroako Idazleen Elkartearen buru da; Aldara Ediciones sortu zuen, eta, Barbarinetik, berak dio hitzak herri txikietan ere baduela etxea.